logo Felles nettløsning for spesialisthelsetjenesten
  • Pasientinformasjon i fellesinnhold
    Denne informasjonen er generell og erstatter ikke kontakt med, eller undersøkelse og behandling hos, autorisert helsepersonell. For informasjon om behandling på ditt sykehus, må du oppsøke sykehusets nettsider.

Undersøking

Nevrofysilogisk måling, nevrografi, nynorsk

Nevrografi er ei undersøking med måling av funksjon i nervar utanfor ryggmargen. Nevrografi og EMG blir oftast utført i same seanse då dei utfyller kvarandre. Resultata av begge undersøkingane blir vurdert i samanheng. Dei er nyttige i utgreiing av tilstandar ved mistanke om skade eller sjukdom i nervar i armar, bein og nokre gongar i ansikt  og ved muskelsjukdommar.
Nevrofysiologisk måling, EMG

Tilvising og vurdering

Fastlege, privat praktiserande spesialist, manuellterapeut eller kiropraktor, i tillegg til spesialistar ved sjukehus kan tilvise til undersøkinga. 

I tilvisinga skal det stå:        

  • Mistanke om liding
  • Funn ved klinisk nevrologisk undersøking, slik som
    • sensibilitetsutfall
    • nedsett kraft/parese
    • atrofi av muskulatur
    • refleksar
    • lokalisering av smerter
  • Relevant informasjon slik som tidlegare sjukdommar og traumar. Viss det er snakk om nerveskade etter traume er skadetidspunktet svært viktig.
  • Medisinliste bør leggast ved

Før

  • Når du skal til undersøking skal du møte opp med reine, varme armar og bein. Ikkje ta på krem eller lotion. Det gjer eit godt utgangspunkt for god elektrodekontakt og dermed teknisk bra kvalitet på testen.
  • Du må ta med medisinliste, og i dei fleste tilfella skal du ta medisinane dine som vanleg. Dersom du ikkje skal ta medisinar vil du få beskjed om dette på førehand.

For barn som skal ha bedøving med Emla plaster er det nødvendig å møte opp ein time før undersøkinga slik at bedøvinga får tid til å virke.

Undersøkinga er ikkje skadeleg under graviditet eller for dei som har pacemaker. 

Under

Ved behov må armar/bein varmast opp i forkant av undersøkinga. Ved nevrografiundersøkinga vil du få små straumstøyt når nervane blir undersøkt. Nevrografien blir ofte utført av anna helsepersonell enn legar.

Etter

Etter undersøkinga kan du vere litt øm i dei undersøkte musklane, men dette går fort over av seg sjølv.

Når undersøkinga er ferdig vil legen informere deg om funna ved undersøkinga. Legen som tilviste deg og fastlegen din vil få rapport av undersøkinga. Det er legen som tilviste deg, eller eventuelt fastlegen din, som tar hand om vidare oppfølging og behandling.