Biologisk behandling ved revmatisk sykdom

Før du kan starte med biologisk behandling må legen vurdere om du har andre tilstandar som gjer at du ikkje kan bruke behandlinga, det kan for eksempel vere nyleg kreftsjukdom eller hjartesvikt. Du må ta blodprøver for å utelukke leverbetennelse (hepatitt) og tuberkulose, og vanlegvis røntgen av lungene.

Dersom du får klarsignal for oppstart med biologisk behandling, anbefaler vi vaksine mot mot pneumokokksjukdom, og vaksine mot influensa og koronavirus på hausten. Vaksinar kan settast hos fastlege eller vaksinasjonskontor.

Biologisk behandling blir gitt som intravenøs infusjon eller injeksjon. Du får informasjon om behandlinga før oppstart. Behandlinga varer ofte over fleire år. 

Infusjonsbehandling 

– blir gjentatt med intervall frå ein til seks månader, avhengig av type medikament. 

Injeksjonsbehandling med sprøyte/penn 

– vil du få opplæring i å sette sjølv. Desse blir gitt med intervall frå dagleg til kvar fjerde veke, avhengig av type medikament. 

Resept på medisinen blir send elektronisk til apotek. Det gjer at du kan hente medisinen på det apoteket du sjølv vel. Det kan vere litt ventetid på at apoteket får inn medisinen. Du må hente ut medisin og ta med på opplæringstimen. 

Så lenge behandlinga varer skal du regelmessig ta blodprøver hos fastlegen din. Du har sjølv ansvar for dette. Du og fastlege får informasjon om kva blodprøver du skal og kor ofte. 

Etter cirka tre månader blir du innkalla til kontroll der vi vurderer effekten av behandlinga. Dersom du ikkje har god effekt av behandlinga vil vi vurdere å legge til andre legemiddel eller avslutte og/eller byte behandling.