Vi tilrår at du alltid nyttar siste versjon av nettlesaren din.
Godkjent dato: 19.01.2022
Ansvarlig foretak: Oslo universitetssykehus
Behandling

Hofteleddsdysplasi – fysioterapi

Kontakt med fysioterapeut er ein del av oppfølginga av barn som blir for behandla hofteleddsdysplasi. Fysioterapeutens gir informasjon, rettleiing, praktiske tips, og legg til rette for rørsleutvikling.

Før

Uavhengig av når hoftedysplasien blir oppdaga, kan du få ein samtale med fysioterapeut. Målet er å legge til rette for at barnet ditt har det best mogleg i behandlingsperioden. Fysioterapi krev ingen førebuingar.

Under

Fysioterapeuten vil gi dykk

  • informasjon om diagnosen.
  • råd om korleis de kan handtere barnet i perioden med pute/skjene, da barnet blir meir «omfangsrikt» og meir uvant å handtere.
  • rettleiing i bruk av skjene/pute/gips, og aktuelle hjelpemiddel.
  • tips og råd om rørsleutviklinga til barnet, og korleis de kan legge til rette og stimulere barnet best mogleg i behandlingsperioden.

De kan også stille spørsmål og få svar på det de måtte lure på.

Fysioterapien medfører ingen smerter, men det varierer kor fort barnet blir vant med å bruke puta, skjena/gipsen. Dette kjem av at barnet ikkje får bevege seg slik det er vant til.

For at barnet skal kunne bevege seg så naturleg som mogleg i behandlingsperioden må omgivnadene leggast til rette. Ein måte å gjere det på er å bruke ei pute for å bygge opp under overkroppen i rygg- og mageleige. Det same gjeld i sideleie, men da bak rygg og sete. Det viktige er å sørge for at barnet får variasjon, for å få ei best mogleg rørsleutvikling.

Praktisk tilrettelegging kan innebere

  • bilsete utan opphøgde kantar på sidene (anskaffing er ansvaret til den enkelte)
  • reisestol som gir ei meir fleksibel sittestilling (for eksmepel MiniMonkey)
  • vogn og vognpose som er brei nok med tanke på sprikestillinga
  • saccosekk som gir ei meir fleksibel sittestilling med støtte
  • rullebrett der barnet kan ligge på magen og bruke armane til å flytte seg
  • rullestol med hevbare fotbrett/sprikeplate

Behovet for hjelpemiddel er som regel kortvarig (under 2 år) og noko kan lånast gjennom lokale hjelpemiddellager.

Behandlinga og hjelpemidla er elles avhengige av omfanget av dysplasien, og blir derfor tilpassa behovet til den enkelte.

Etter

Både under og etter behandling blir behovet vurdert for oppfølging hos fysioterapeut der de bur. Ved behov tar fysioterapeuten på sjukehuset kontakt med fysioterapeut lokalt.

Ofte stilte spørsmål

Nei. Av erfaring er barnet raskt tilbake på nivå med sine jamaldrande, sjølv om nokon treng litt stimulering og tilrettelegging i starten.

Ja. Det går heilt fint å ta av skjena for eksempel i samband med stell og bleieskift, sjølv om puta/skjena skal brukast mest mogleg kontinuerleg, for eit best mogleg behandlingsresultat.  Den vedvarande sprikestillinga i hoftene blir varetatt av puta/skjena/gipsen, og er avgjerande for utviklinga og behandlingsresultatet frå hofta.

Nei. Det viktigaste er å følge det behandlingsopplegget de har avtalt med sjukehuset.

Pute/skjene og gips er i dag er den best dokumenterte behandlinga for medfødd og seint oppdaga hoftedysplasi. Vi har ikkje dokumentasjon som seier noko om effekten av å bruke øvingar som alternativ behandling.

Barn med pute/gips/skjene kan berast slik dykk sjølve kjenner er best, så lenge de gir god støtte under setet og knea.

Bereselar og beresjal kan nyttast, gjerne i samråd med fysioterapeut for å sikre at rett stilling i hofta blir varetatt.

De må avtale med behandlande lege om barnet kan vere med på babysvømming. 

 

Sist faglig oppdatert 19.01.2022