PET

Før undersøkinga blir gjort er det nokre førebuingar du må gjere:

• Du skal ikkje ha nokon form for fysisk trening dei siste 24 timane før undersøkinga

• Du må halde deg varm og ikkje fryse dei siste 24 timane før undersøkinga

• Du skal faste i minimum 6 timar før oppmøte, men du skal drikke minst 0,5 liter temperert vann (ikkje kaldt!)

• Du skal ta dei vanlege medisinane dine som normalt. NB: Ved diabetes gjeld særlege forholdsreglar, ta derfor kontakt med oss

• Ta med ei liste over dine faste medisinar

Gi beskjed dersom du :

• har astma/allergiar

• har diabetes

• er forkjøla eller nylieg har hatt ein infeksjon

• nyleg har fått cellegift/strålebehandling

• er gravid/mogleg gravid, eller ammar

Undersøkinga inneber at du må få ein venekanyle (venflon) i armen din.  Det radioaktive stoffet blir sett inn via denne. Etter injeksjon skal du ligge i ro utan å snakke, lese eller halde på med telefonen i ca. 45 minutt. Dette må du gjere for at opptaket av stoffet skal bli optimalt. Eventuelle pårørande må forlate undersøkingsrommet når det radioaktive stoffet blir satt i armen din.

Bildetakinga startar 60 minutt etter injeksjonen, og tar vanlegvis 30-50 minutt.

Etter undersøkinga kan du reise heim. Vi anbefaler at du ikkje har nærkontakt med små barn/ eller gravide dei første timane etter at du har fått ein injeksjon av eit radioaktivt stoff.