Emlakrem til barn
Mange barn på sjukehus vil i ein lengre eller kortare periode trenge ei perifer venekanyle ofte kalla venflon. Den blir brukt til å gi intravenøs væske, smertestillande eller andre medisinar.
Informasjon til foreldre
Når barn skal til dagkirurgi får dei gjerne lagt inn ein venflon rett før operasjonen startar. Da er dei gjerne litt trøytte av medisinar dei har fått i forkant av operasjonen, og hugsar nødvendigvis ikkje så mykje av hendinga. Det viktigaste for dei er kanskje å ha sett ein venflon på førehand, sidan dei gjerne har ein i handa når dei vaknar.
På sjukehuset blir emla-krem nytta både før ein tar blodprøvar og før ein legg inn venflon, for at det ikkje skal gjere vondt. Det er viktig å motivere barna til å ha emla-kremen på når det blir anbefalt av helsepersonell.
