Vuoigatvuođat pasieantaoahpahusa oktavuođas
Pasieanttain ja oapmahaččain leat vuoigatvuođat sihke mátke- ja orrungoluid-, biebmoruđaid- ja oahpahusruđaid ektui.
Virgelohpi/friddja barggus
Eanas bargoaddit addet bargiide virgelobi bálkkáin go bargi lea doaktáris ožžon čujuhusa pasieantakursii. Mii rávvet ahte válddát oktavuođa bargoaddiin, vejolaččat fágaservviin jus leat fágaorganiserejuvvon. Sáhttá leat nu ahte sáhtát váldit juogo čálgovirgelobi, iešdieđáhusa dahje buohcandieđáhusa.
Mátke- ja orrungolut
Dus leat seamma vuoigatvuođat oažžut gokčojuvvot mátkegoluid pasieantakursii, go dan maid oaččut poliklinihkalaš diimmuide buohcceviesus. Dábálaččat pasieantamátkkit gokčojuvvojit standárda máksomeari mielde juohke kilomehtera nammii. Dárbbu mielde sáhttet dárbbašlaš lassigolut gokčojuvvot.
Loga eambbo pasieantamátkkiid birra čujuhusas helsenorge.no
Oahpahusruđat go mánát leat buohccit ja go massát bargodietnasa
Sáhtát oažžut oahpahusruđaid jus massát dietnasa go oassálasttát kurssas dahje eará oahpahusas mii lea dárbbašlaš vai sáhtát fuolahit ja dikšut guhkitáigásaš buohcci dahje doaimmashehttejuvvon máná gean fuolahat.