Dikšu
Familieterapi, samisk
Bearašterapiija mearkkaša bargat oktavuođaiguin ja gulahallat iešguđetge bearašmiellahtuiguin ja earáiguin fierpmádagas, ságastallama ja bargobihtáid bokte.
Terapiija sáhttá leat váhnenbáraide, bearrašiidda, individuálat ja iešguđetge fierpmádatoktavuođain. Man viiddis dikšu lea, rievddada dárbbuid mielde. Gávdnojit iešguđetlágan bearašterapiija suorggit, main leat iešguđetlágan lahkoneamit. Bearašlahkoneapmi/bearašterapiija lea beaktilis dikšu dahje oassi divššuin dalle go leat iešguđetge lágan váttut ja psyhkalaš dearvvašvuođaváttut mánáin ja nuorain, earret eará deprešuvdna, garra ballu- ja bággogillámušat, iešguđetlágan traumat, borranmuosehuhttimat (anoreksiija), láhttenváttisvuođat ja gárrenmirkogeavaheapmi.
Čujuhus ja árvvoštallan
Don dárbbašat čujuheami jus galggat oažžut sisačáliheami spesialistadearvvašvuođabálvalussii. Álgovuolggalaččat lea fástadoavttir ja váktadoavttir geat čujuheaba du spesialistadearvvašvuođabálvalusa čielggadeapmái ja dikšumii. Spesialistadearvvašvuođabálvalus mearrida leago dus riekti spesialistadearvvašvuođabálvalusa dikšui.
Før
Olles bearrašis ferte leat mokta bargat oktavuođaiguin ja gulahallamiin bearašterapevttalaš konteavsttas.
Under
Guhtege olbmui čuohcá dat, ja váikkuha nai iešalddis dan oktavuhtii mas mii leat oassin. Gaskavuođat bearrašis, olbmáide, bargui, skuvlii, mánáidgárdái ja astoáiggearenaide váikkuha hui ollu olles bearraša čalgui, dearvvašvuhtii ja ovdáneapmái. Bearašterapiija mihttu lea addit bearrašii eanet ipmárdusa proseassain mat bearrašis dáhpáhuvvet, ja dan bokte gávdnat vugiid maiguin sáhttá čoavdit áibbas váttis dilálašvuođa.
Dikšunlágideapmi rievddada ja lea heivehuvvon guhtege bearrašii, bearraša dilálašvuođa ektui.Etter
Bearašterapiija čujuheaddjiolbmos lea váldoovddasvástádus loahpahuvvon divššu čuovvoleapmái.