Bahtabuogu - čuohpadeapmi HAL dahje THD - Fellesinnhold - Felles nettløsning for spesialisthelsetjenesten

Hemoroider

Mii earuhit siskkáldas ja olgguldas bahtabuogun. Lea dat siskkiid oasit mat dávjjimusat vardet, ja dat sáhttet siigat vulos ánála kanálas (dássi 1–4). Jus it dovdda ahte iežas dálkkodeapmi buorrána vuoidasiiguin, dálkasiin maid bijat bahtii ja dearvvašlaš hivssetdábiiguin, de sáhttá fástadoavttir čujuhit du spesialistta lusa.

Mii geahččalat dábálaččat báddedivššu vuos. Jus dat ii ábut, de sáhttá čujuhuvvot čuohpadeapmái. Leat guokte váldočuohpadeami. Dat mii lea buoremus dutnje mearriduvvo ovttasráđiid du ja spesialistta gaskka maŋŋil klinihkalaš iskkadeami.

Mielmearrideapmi sisttisdoallá ahte don oažžut dieđuid ovdamuniid ja heajut beliid dain iešguđetlágan vejolašvuođain. De sáhtát ovttas dearvvašvuođabargiiguin buohtastahtát divššuid mat dutnje leat mávssolaččat.

Gažaldagat maid sáhtát jearrat du dikšus:

1. Makkár alternatiivvat leat mus?

2. Makkár ovdamunit ja hehttehusat leat vejolaččat dain molssaeavttuin?

3. Man jáhkehahtti lea ahte mun boađán vásihit dain maide?

Loga eambbo mielmearrideami birra dás

HAL/THD lea molssaevttolaš čuohpadusvuohki siskkáldas bahtabuogovardimii, gos iešdikšun dahje báddedikšu ii leat lihkostuvvan. Vuohki dagaha dávjá unnit váttuid go dábálaš čuohpadeapmi (bahtabuoguektomiija).

Čujuhus ja árvvoštallan

Fástadoavttir sáhttá čujuhit du buohccevissui árvvoštallamii.

Ovdal

Don fertet gurret čoali miniklysterin ovdal čuohpahusa. Čuovo bagadusa buohcceviesu sisagohččun reivves.

Borakeahttá orrut

Ovdal čuohpadeami/iskama fertet orrut borakeahttá. Jus it leat borakeahttá, de soitet šaddat sihkkut dahje maŋidit diimmu.

Maŋemus 6 diimmu ovdal čuohpadeami dahje iskkadeami it galgga borrat ja juhkat mielkki dahje mielkebuktagiid. Mánná sáhttá oažžut čižžemielkebuktaga gitta 4 diimmu ovdal čuohpadeami/iskama, ja čižžemielkki gitta 3 diimmu ovdal. Maŋemus 2 diimmu galggat garvit suoskangumme, njálgáid, snuvssaid ja borgguheami daningo dat sáhttá dagahit ahte guomu ja čoavjesuvri lassána.

Gitta 2 diimmu rádjái ovdal čuohpadeami/iskama sáhttet rávisolbmot juhkat čielga golgosa. Mánát sáhttet juhkat čielga golgosa gitta 1 diimmu ovdal.

Čielga golgosat leat: čáhci, savtta, máihli mas lea šaddomássa, bruvssa, deadja ja gáffe mielkki haga.

Buohkat sáhttet njiellat dálkasiid unna čáhceláseža dievva gitta 1 diimmu rádjái ovdal. Sáhtát geallat bániidat ja doidit njálmmi vaikke goas.

Biebmu ja mielkki/ mielkebuktagat: heaitit 6 diimmu ovdal
Ráinnas juhkosat, suoskangumme, njálgát, snuvssat ja borgguheapmi: heaitit 2 diimmu ovdal
Čielga juhkosat, mánát: heaitit 1 diimmu ovdal

Jus dattetge leat borran dahje juhkan olggobealde daid áiggiid mat leat dás namuhuvvon, de fertet bargiide dieđihit dan. Ovdal ovttaskas čuohpadeami galggat juhkat vissis meari biebmojuhkamušaid. Jus dutnje gustojit eará njuolggadusat, de oaččut dieđu dan birra.

Vuolde

Mii gávdnat varrasuona mii doalvu vara bahtabuoguide ja dasa geavahit proktoskuhpa veahkkin (earenoamáš iskkusrevre mas lea ultrajietna geažis). Mii čavget sákkaldagaid birra varrasuona nu ahte varrajohtu bisána. Lea dárbbašlaš bidjat eanemus 6 sákkaldaga iešguđet sajiide bahtačoallái. Dasa lassin lea vel dábálaš goarrut bajásguvlui bahtabuoguid (pexi) nu ahte eai boađe šat olggos. Sákkaldagat daguhit ahte bahtabuogut unnot ja dohko báhcá dušše árpi šliiveassái 6-8 vahkku sisa.

Čuohpahus sáhttá dahkko jámiheame haga, muhto dávjá háliidit narkosa.

Etter

Eatnasiin leat unnán bákčasat maŋŋel čuohpahusa, ja dábálaččat sáhttet mannat bargui 1–2 beaivvi maŋŋel. Jus leat gorrot bajás hemoroidaiid (pexi) de sáhttet bákčasat bisttit 3–4 beaivvi maŋŋel čuohpahusa.

Don leat bearráigeahču vuolde moadde diimmu maŋŋel narkosa. Dalle oaččut borramuša ja juhkosa. Ovdal go beasat vuolgit ruoktot iskkat mii vel leat go guččan/cissan maŋŋel čuohpahusa. Mielde oaččut vel reseapta dálkasiida bákčasiid vuosta.

Dábálaččat ii leat dárbu earenoamáš bearráigehččui buohcceviesus. jus leat čuohpahuvvon máŋgga ja stuora hemoroidaiid sáhttá ahte šattat fas áiggi geahčen fas čuohpahussii. Dalle oaččut fas bearráigeahču poliklinihkas 6-8 vahkku maŋŋel. Du váttut maŋŋel čuohpahusa mearridit leago dárbu ođđa čuohpahussii.

Leage áicil

Maŋŋel čuohpahusa lea deaŧalaš váruhit obbomis. Geavat gehppes earánastindálkasa, omd Visiblin, Movikol dahje Parafinna, dat lea dárbbašlaš dassážii go earán boahtá albma ládje johtui rahčama haga. Dat lea dábálaš ahte lea veaháš čielga varra earánis daid álgo beivviid.

Dat lea unnán várra ahte váttut čuožžilit, muhto duođalaš vardin čuožžila, earenoamážiid olbmuin geat geavahit varranjárbudan dálkasiid. Váldde oktavuođa buohcceviesuin jus vardin ii bisán.

Bahtabuogu - čuohpadeapmi HAL dahje THD

Čujuhus ja árvvoštallan

Ovdal

Ovdal Čájet eambbo

Borakeahttá orrut

Vuolde

Vuolde Čájet eambbo

Etter

Etter Čájet eambbo

Leage áicil