Dikšu
Høreapparattilpassing, samisk
Gullanapparáhtta lea teknihkalaš veahkkeneavvu mainna gulat buorebut. Gullanapparáhtta ii sáhte goasse boahtit dábálaš gulu sadjái, muhto lea buorre veahkkin. Mii heivehit gullanapparáhta sihke mánáide ja ollesolbmuide, geain lea iešguđet muttu hedjonan gullu.
Gávdnojit máŋggalágan gullanapparáhtat. Makkár mállet dutnje heive lea ovddemusat ja vuosttažettiin dan duohken man olu du gullu lea hedjonan. Eará dehálaš bealit mat váikkuhit dasa lea ahki, oaidnu ja fiinnamotorihkka.
NAV:s leat šiehtadusat iešguđet gullanapparáhttalágideddjiiguin, ja gulluguovddážis nagodit ordnet seamma gullanapparáhtaid go priváhta aktevrrat. NAV gokčá vissis supmi rádjái gullanapparáhta. Muhtun apparáhtain danin boahtá leat iežasoassi. Don oaččut dieđu iežasoasi birra jus dan šattat máksit.
Čujuhus ja árvvoštallan
Fástadoavttir dahje eará dearvvašvuođabálvalus čujuha čielggadeapmái.
Før
Sáhttá jierpmálaš jurddašalat iežat dili birra gulu dáfus ovdalgo boađát vuosttaš diibmui.
- Leatgo mielas oažžut gullanapparáhta dahje eará gulluteknihkalaš veahkkeneavvu jus čájehuvvo dus lea heajos gullu?
- Makkár dilálašvuođain dovddat don ražat guluin?
- Makkár vuordámušat leat dus?
Galggat áinnas jearrat bearrašis dahje olbmáin leat go sii merken rievdadusaid du gulus.
Under
Don leat oktavuođas sihke doaktáriin ja audiográfain vuosttaš geardde go boađát beallje-, njunne-, čottaossodahkii. Doavttir iská du beljiid, ja audiográfa čađaha máŋggalágan mihtidemiid gulus. Dasto árvvoštallojuvvo dárbbašat go gullanapparáhta. Audiográfas lea earenoamáš máhttu audiologiija (oahppu gulu ja jienaid birra), gullanapparáhtaid ja eará audiologalaš biergasiid birra, ja movt daid sáhttá heivehit geavaheddjiide geain lea hedjonan gullu iešguđet láhkai.
Audiográfa heiveha gullanapparáhta dan mielde movt dus lea hedjonan gullu, ja dan oaččut dasto luoikkasin. Don oaččut dárbbašlaš dieđuid apparáhta geavaheami ja buhtisdoallama birra. Vuosttašgeardde geavaheaddjis leat dávjá ollu jearaldagat. Váldde áinnas mielde muhtuma gii sáhttá veahkehit du muitit dieđuid maid oaččut, jus don dan háliidat.
Man guhká ádjána dikšu/iskkadeapmi?
Iskkadeami/divššu áigi sáhttá rievddadallat. Váldde oktavuođa iežat dikšunbáikkiin ja oaččo dieđuid iežat diimmu birra.
Etter
Audiográfa čuovvula geahččalanáigodagas du gullanapparáhta dárkkistemiiguin. Man galle dárkkisteami don dárbbašat, lea dan duohken movt geahččalanáigodagain manná.
Maŋŋel go oaččut gullanapparáhta, de sáhtát njuolga váldit oktavuođa gulluguovddážiin jus oaččut váttisvuođaid gullanapparáhtain, jus áiggut diŋgot diimmu dahje jus dárbbašat dan heivehit.
Jus gullanapparáhta leat ožžon priváhta audiográfas dahje šiehtadusspesialisttas, de fertet váldit oktavuođa dáinna spesialisttain go áiggut diŋgot bálvalusdiimmu.
NAV gokčá goluid ođđa gullanapparáhtaide juohke guđat jagi. Du audiográfa veahkeha du ohcamiin ja viidáset proseassain.
Lea du ovddasvástádus dáhkádusa ordnet gullanapparáhttii.