Keaisárčuohpahus

Dat lea álot doavttir mii árvvoštallá eatni ja máná dili ja leago medisiinnalaš ágga váldit keaisárčuohpahusa. Doavttir maid árvvoštallá lea go medisiinnalaš boađus stuorat keaisárčuohpahusain dan ektui go čađahit dábálaš riegádeami. Dan árvvoštallamis váldo álot nissonolbmo sávaldat vuhtii.

Plánejuvvon keaisárčuohpahus

Jus mearriduvvo ahte don galggat keaisárčuohpahussii, de riegáda du mánná ovdal termiinna – termindáhton mearriduvvo ultrajienain 18. vahkus. Dáhton goas keaisárčuohpahus galgá čađahuvvot vuolgá das man sivas galggat čuohpahussii, ja mearriduvvo maŋemuš oasis áhpehisvuođas.

Go dáhton lea mearriduvvon goas galggat čuohpahussii, oaččut dieđu goas galggat boahtit buohccevissui, ráhkkanemiid maid galggat dahkat ovdal čuohpahusa ja eallin njuolggadusaid maŋŋel čuohpahusa. Lea dábálaš ahte boađát buohccevissui beaivvi ovdal dahje muhtin beivviid ovdal čuohpahusa váldin dihte varraiskosiid, ságastallat riegádahttin doaktáriin, anestesidoaktáriin ja sealgeetniin/jorttamorain. Maŋŋel dan sáhttet muhttimat mannat ruoktot ja boahtit iđđes seamma beaivvi go čuohpahus galgá čađahuvvot – ja muhttimat leat buohcceviesus čuohpahusbeaivái.

Jámiheapmi

Plánejuvvon keaisárčuohpahusas lea dábáleamos ahte oaččut epidural- dahje spinal jámiheami. Mii addit jámiheami čuohpahuslanjas. Dalle sáhtát don leat gozuid alde čuohpahusa vuolde, muhto it oainne itge dovdda bákčasiid. Don beasat gullat máná vuosttaš čirroma, beasat oaidnit, vejolaččat doallat máná dalán go lea riegádan. Du mielčuovvu beassá maid mielde čuohpaheamis ja vásihit dan duinna ovttas.

Go mánná lea riegádan

Seammás go mánná lea riegádan, de sihkkojuvvo goikkisin ja biddjo du ratti ala, jus don ja du mánná leahppi veajuid alde. Lea buorre sihke eadnái ja mánnái liikke vuostá veallát. Fysalaš oktavuohta eatni ja máná gaska dasttá maŋŋel riegádahttima lea deaŧalaš vuođđudit njamaheami ja gullevašvuođa/čatnaseami. Keaisárčuohpahusa oktavuođas geahččalit nu bures go sáhttit dahkat dan vejolažžan.

Fáhkka keaisárčuohpahus

Jus čuožžilit váttut riegádahttima vuolde, sáhttá šaddat dárbu váldit keaisárčuohpahusa  dakkaviđe. Dat lea álot riegádahttindoavttir mii váldá mearrádusa galgá go keaisárčuohpahus váldot ja man hoahppu lea váldit.   

Dat stuorámus erohus plánejuvvon ja fáhkka keaisárčuohpahusas dutnje ja nu mielčuvvui, lea áigi maid bargit dárbbašit ráhkkanit dasa ja dudnuide dieđuid addit mii galgá dáhpáhuvvot. Jus du dahje du máná dilli lea nu ahte čuohpahus ferte dahkkot dakkaviđe, lea deaŧalaš jođánit doaimmahit dan. Dat daguha ahte diehtu maid dađistaga oažžubeahtti ii lea dat buoremus. Don de oaččut maŋŋel ságastallama gos čilgejuvvo mii ja manin dáhpáhuvai.

Jámiheapmi

Go fáhkka keaisárčuohpahus lea mearriduvvon, dolvojuvvot don seaŋggain nu jođánit go vejolaš čuohpahuslatnjii. Anestesiijadoavttir ja riegádahttindoavttir mearrideaba makkár jámiheapmi galgá dutnje.        

Jus fertet oažžut jámiheami, de eai galgga earát go dearvvašvuođabargit čuohpahuslanjas. Dalle ferte du mielčuovvu vuordit riegádahttinossodagas. Dat manná jođánit dan rájes go čuohpahus álgá dassážii go mánná lea riegádan. čuohpahus bistá sullii 30-60 minuhta. Jus mánná ii dárbbaš liige čuovvoleami maŋŋel čuohpahusa sáhttá mánná leat mielčuovvu luhtte dassážii go čuohpahus lea geargan.

Maŋŋel čuohpahusa sirdojuvvot don poastaoperatiivva (postoperativ) ossodahkii. Man guhka don šattat doppe vuolgá das man sivas leat keaisárčuohpahusa ožžon ja man buori vuoimmis leat. Dás gozihuvvon don dassážii go dus lea stáđis dilli fas ja beasat fas seaŋganisuossodahkii.

Keaisárčuohpahusa maŋŋel dárbbašat don eambbo veahki ja áiggi boahtit návccaid ala. Čuovvoleapmi seaŋganisuossodagas addo du ja máná dárbbuid mielde. Man guhka šattat buohcceviesus lea olbmos olbmui, dábálaččat moadde beaivvi.