Ogilihkastagat ja čiekčamat
Maŋŋel áhpehisvuođa vahku 18 dovdet eanas áhpeheamit beaivválaš lihkastagaid ja čiekčamiid ogis. Don áiggi mielde oahpat máná ritma ja lihkadandábiid. Muhtin mánát leat eambbo lihkadeaddjit muhtin osiin beaivvis, earát ges čikčet ja lihkadit eambbo go leat alla jienat dahje go don lihkadat, aiddo leat boradan ja sullasaš. Áhpehisvuođavahku 28 rájes galggat don dovdat lihkadeami/čievččasteami unnimusat 10 geardde beaivvis.
Dađi mielde go čoavji stuorru ja go šaddá unnit sadji lihkademiide mánágoađis, dovddat don máná lihkadeami eará ládje go árrat dan áhpehisvuođas. Don galggat goitge dovdat jeavddalaš lihkadeami mánás.
Leage áicil
Leat go eahpesihkar leat go dovdan lihkadeami guhkes áigái, de sáhtát geahččalit iđihit lihkastaga/čievččasteami. Daga juoga máid dieđát ahte boktá máná; Bija musihka ala, juga juoidá mii lea njálggat ja galmmas dahje sullasaš. Geahččal dovdat lihkesta go mánná. Jus don oaččut buriid čievččastemiid ja lihkademiid, de leat dat vástádus ahte mánás lea buorre dilli.
Jus ii lihkes mánná nu ge ledjet vuordán, váldde oktavuođa sealgeetniin/jorttamorain, doaktáriin dahje riegádahttinossodagain oažžumis liige árvvoštallama ja vejolaččat dárkkisteami.