Dávdameroštallan
Allergalaš guoskkahuseksema
Guoskkahuseksema sáhttá boahtit go liiki vaháguvvu fysalaččat dahje kemihkalaččat, dahje jus lea allergiija.
Čujuhus ja árvvoštallan
Jus du fástadoavttir váruha dus lea allergiija mii lea ággan du sivaide, de sáhttá du sáddet čielggadeapmái buohccevissui.
Guorahallan
Don guorahallojuvvot guoskkahusallergiija dihte jus du dávdadieđuid vuođul váruhuvvu dus lea dat. Jus don ieš juo dieđát ahte dus lea guoskkahusallergiija muhttin ávdnasiid vuostá, nugo ovdamearkka dihte nihkkela vuostá, de fertet muitalit dan iežat liikedoaktárii.
Go iskojuvvot lea go dus guoskkahusallergiija, de bidjet iskanávdnasiid njuolga liikái. Mii dávjá bidjat ávdnasiid čielgái. Iskansajis eai galgga leat tatoveremat dahje liikedávda. Iskosiin leat ivdneávdnasat, konserverenávdnasat, metállat dahje muhtinlágán kosmetihkat. Sii sáhttet maid eará spesialiseren ávdnasiid geavahit jus váruhit earálágán guoskkahusallergiija.
Jus it gierdda iskosa, de dovddat saŋáža dahje unohisvuođa čielggis. Lea deaŧalaš ahte it gazzo/ruohka dakko. Muhtimat reagerejit loastarii.
48 diimmu maŋŋel válddát eret iskanávdnasiid ruovttus. Nuppe beaivvi geahččat mii iskosa. Dien áigodagas it galgga njuoskkadit dan saji riššumin dahje garrasit bivastuvvamin.
Liikedoavttir geahččá iskosa ja daid bohtosiid vuođul addá dieđu. Muhttin spesiálaiskosiidda dárbbašuvvo 7 beaivvi iskosiid guorahallamii.
Eai buohkat reagere daidda iskosiidda. Maŋŋel go mii leat guorahallan iskosiid oažžut dieđu beasat go bassat dan iskansaji.
Dikšu
Allergiijalaš guoskkahuseksema dikšojuvvo vuosttažettiin ahte garvvát daid ávdnasiid mat addet eksema. Vearrás eksemain sáhtát atnit kortisonavuoidasiid, dahje dálkasiid. Dán birra muitala du doavttir.
Čuovvoleapmi
Čuovvoleapmi dilis boahtá das makkár allergiija lea ja man duođalaš dat lea.