Iskkadeapmi

Gynekologalaš/Vuolledábiid iskkadeapmi

Gynekologalaš/Vuolledábiid iskkadeapmi (GI) lea okta vuolledábi iskkadeapmi nissoniidda. Dat adno čielggadeamis vuolledábiid gillámušaide, ja dahkko iešguđege ládje dan siva vuođul man dihte lea čujuhuvvon. Sihke dat siskkit ja olggut gudnjobaksamat iskojuvvot.

Čujuhus ja árvvoštallan

Sihke fástadoavttir ja buohcceviesudoavttir sáhttá čujuhit gynekologalaš iskkadeapmái.

OVDAL

Don fertet nuoladit vuolábealde juste ovdal iskkadeami. Don it sáhte váldit goaŧŧočottaiskkadeami/seallaiskosa jus dus lea mánodávda.

VUOLDE

Bistá: 15 – 60 minuhta

Dábálaččat veallát don ovtta beaŋka alde ja juolggit bajášguvlui, gos dat vuoiŋŋastit juolgedoalaniin alde. Doavttir bidjá ovtta instrumeantta cinni sisa oažžumis buoret bajilgova. Dat sáhttá leat veahá galmmas, muhto ii bávččat. Doavttir bidjá njalkasanvuoidasa instrumentii vai ii leat unohas.

Muhtomin lea dárbbašlaš váldit seallaiskosa dahje biopsiijaiskosa. Dat vuolgá das man siva dihte don leat gynekologalaš iskkadeamis. Doavttir boahtá maid iskat cinne siste guvttiin suorpmain seammás go doallá nuppi gieđa čoavjji alde. Dat sáhttá maid leat guoskevaš iskkat du bahtačoali suorpmain.

Okta vuolledábiid iskkadeapmi gynekologa luhtte loahpahuvvo dábálaččat cinni ultraiskkademiin. Dat mielddisbuktá ahte doavttir bidjá ovtta guhkedáleš ultrajietnaapparáhta cinnái, nu ahte ultrajietnagovat goaŧus/mánágoađis ja monnerávssáin čájehuvvo ovtta šearpmas mii lea iskkadanbeaŋka guoras.

Muhtin dáhpáhusain šaddá gynekologa dahkat ovtta oppalaš iskkadeami, ja dalle váldá sihke røntgena ja varraiskosiid.

Iskkadeapmi ii galgga bávččagit, muhto jus dus lea olu áibmu čoliin de sáhtát oaččut veahá áibmobákčasiid.

MAŊŊEL

Go iskkadeapmi lea geargan, sáhtát don vuolgit ruoktot. Maŋŋel iskkadeami ráhkada gynekologa ovtta čálalaš čilgehusa dan vuođul maid iskkadeapmi čájeha.

Iskanvástádus

Boađus dan iskkadeamis sáddejuvvo doaktárii gii čujuhii du dan iskkadeapmái. Jus don leat biddjon sisa buohccevissui de dábálaččat oaččut vástádusaid beaivvi maŋŋel. Fáhkka dilálašvuođas de addojuvvo gaskaboddasaš vástádus njuolga maŋŋel iskkadeami.