Iskkadeapmi, Røntgena obbalašgovva abdomen

Røntgen mage, samisk

Čoavjerøntgena obbalašgovva lea measta dušše dalle áigeguovdil go galgá fáhkkatlaš iskkademiin geahččat leatgo manahathehttehusat čoliin (čoalleobstrukšuvdna) dahje rabas áimmus, vejolaččat čujuhit rupmašis amas diŋggaid.

Vuovddas leat ollu orgánat, earret eará čoavji/čoavjeseahkka, gahpárus, sáhpus, gassačoalli, vuoivvas, sáhpit, vuovdačolgaráksá, dáđvi, monimat ja gožžaráđit.

Før

Iskkadeapmái ii dárbbaš erenoamážit ráhkkanit, muhto dábálaččat háliidit ahte pasieanta veallá gurut gilgga alde 10 minuhta ovdal govaid govvejit.

Under

Makkár govat govvejuvvojit lea dan duohken makkár váddu lea ja nagoda go pasieanta čuožžut.

Lea ovdamunni ahte pasieanta nagoda doallat vuoiŋŋahaga go govvejuvvo, vai govat eai šaddá seađđasat.

Olgguldas metálladiŋggat nugo boalut, luottolássa, boahkánat, čiŋat jna. fertejit váldot eret dákko gokko galgá iskkaduvvot.

Iskkadeapmi ádjána 5 - 10 minuhta ja dat lea bákčasiid haga.

Etter

Iskkadeapmái ii dárbbaš erenoamáš čuovvoleami. Fáhkkatlaš dilálašvuođain addojuvvo gaskaboddosaš vástádus njuolga maŋŋel iskkadeami. Iskkadeami bohtosa it sáhte dađibahábut oažžut ovttatmano go govaid galgá røntgendoavttir árvvoštallat.

Røntgen mage, samisk

Før

Før Čájet eambbo

Under

Under Čájet eambbo

Etter

Etter Čájet eambbo