Dieđut ássiide, pasieanttaide ja oapmahaččaide
Jus leat buozas ja dárbbašat medisiinnalaš veahki, geahččal oažžut oktavuođa fástadoaktáriin dahje riŋge doavttirkantuvrii nummar 116 117. Ále riŋge 113 nummarii jus ii leat heahkka váralaš dilli.
Várohat go dávdda dutnje njommon?
- Jus leat buohcci, biso ruovttus. Loga eambbo njoammuma, dávdamearkkaid ja inkubašuvdnaáiggi (lea áigi dan rájes go dávda lea njommon dan rádjái go dávda addigoahtá dávdamearkkaid) birra čujuhusas (helsenorge.no)
- Jus leat buohcci ja dárbbašat veahki, dahje dárbbašat oktagaslaš dearvvašvuođarávvagiid, váldde oktavuođa fástadoaktáriin telefovnnas dahje elektrovnnalaččat.
- Jus dárbbašat fáhkka dearvvašvuođaveahki, itge oaččo oktavuođa fástadoaktáriin, čuoja doavttirváktii telefovdnii 11617.
- Jus it gávnna vástádusaid dasa maid it dieđe, de sáhtát čuojahit diehtojuohkintelefovdnii 815 55 015.
- Čuojat 113 dušše heahtedilis, iige dalle go leat jearaldagat korona birra.
Leago dus diibmu muhtun min buohcciviesuin?
Čuojat buohccivissui ovdalgo boađát, jus don:
- aitto leat leamaš olgoriikkas
- leat leamaš oktavuođas olbmuin geasa korona lea njommon
- vásihat vuoiŋŋahatdávdamearkkaid (feber, gosahat, lossat vuoigŋat)
Dát guoská sihke pasieanttaide ja mieđušteddjiide.
Dás gávnnat eambbo dieđuid Davvi Dearvvašvuođa buohcciviesuid koronagearggusvuođa birra.
Fitnangielddus ja beassanbearráigeahčču
Buot Davvi Dearvvašvuođa buohcciviesuin lea gussiide biddjon johtui fitnangielddus ja beassanbearráigeahčču. Muhtun spiehkastagat gustojit. Loga eambbo dan birra dás (liŋka beassanbearráigeahčču).
Eanet dieđut
Álbmotdearvvašvuođainstituhtta (ÁDI/FHI) ja helsenorge.no leat ráhkadan diehtojuohkinsiidduid mas leat fáktát ja rávvagat koronavirusa birra. Dás gávdnojit maid rávvagat ja rutiinnat maid dearvvašvuođabálvalus galgá čuovvut go várohit dávdda álgime.
Sist oppdatert 01.06.2023